حبيبي وضح احساسك ....

حبيبي ماابي حبك مشاعر في مهب الريح
ولا طيف انخلق فيني وتوفى بعيد ميلاده
,
انا كافي علي جرحي ابي حب بلا تجريح
أعيش بدنيتي هاني واشوف الوجد وابعاده
,
غرامك أشعل بجوفي براكين وشرار وفيح
ودموعي في سما عيني مع الأيام وقاده
,
حبيبي وضح احساسك كفانا في الهوى تلميح
أخاف الوقت مايرحم ويصير فراقنا عاده
,
حبيبي خافقي ملكك تعال ادخل بلا تصريح
تـدلل واطـلب عـيوني تـجـيك العين منقاده
,
دخيلك ترحم مولع كفاه معانق الـتـجـريح
دموعه صارت لحافه وكثير همومه وساده


وسلامتكم ،،،